Русская Православная Церковь
Московский Патриархат
Белорусская
Православная Церковь

При использовании материалов
ссылка на сайт
www.spas-monastery.by обязательна

Дорогие гости сайта!
Если у кого-либо из вас сохранились материалы, касающиеся истории нашего монастыря (документы, фотографии и др.), пишите нам по адресу электронной почты spas.monastery@gmail.com Будем благодарны за любую помощь.

Тропарь, кондак и молитвы

Распечатать

Тропарь, глас 4

Яко пленных свободитель и нищих защититель, немощствующих врач, православных поборниче, победоносче, великомучениче Георгие, моли Христа Бога спастися душам нашим.

Ин тропарь, глас 4

Подвигом добрым подвизался еси, страстотерпче Христов, верою и мучителей обличил еси нечестие, жертва же благоприятна Богу принеслся еси. Темже и венец приял еси победы и молитвами, святе, твоими всем подаеши прегрешений прощение.

Кондак, глас 4

Возделан от Бога, показался еси благочестия делатель честнейший, добродетелей рукояти собрав себе: сеяв бо в слезах, веселием жнеши, страдальчествовав же кровию, Христа приял еси и молитвами, святе, твоими всем подаеши прегрешений прощение.

Величание

Величаем тя, страстотерпче святый великомучениче и Победоносче Георгие, и чтим честная страдания твоя, яже за Христа претерпел еси.

Молитва первая

Святый, славный и всехвальный великомучениче Георгие! Собраннии в храме твоем и пред иконою твоею святою покланяющиися людие, молим тя, известный желания нашего ходатаю, моли с нами и о нас умоляемаго от Своего благоутробия Бога, да милостивно услышит нас, просящих Его благостыню, и не оставит вся наша ко спасению и житию нуждная прошения, и дарует стране нашей победу на сопротивныя; и паки, припадающе, молим тя, святый Победоносче, укрепи данною тебе благодатию во бранех православное воинство, разруши силы востающих врагов, да постыдятся и посрамятся, и дерзость их да сокрушится, и да уведят, яко мы имеем Божественную помощь, и всем, в скорби и обстоянии сущим, многомощное яви свое заступление. Умоли Господа Бога, всея твари Создателя, избавити нас от вечнаго мучения, да всегда прославляем Отца и Сына и Святаго Духа, и твое исповедуем предстательство, ныне и присно и во веки веков. Аминь.

Молитва вторая

О всехвальный, святый великомучениче и чудотворче Георгие! Призри на ны скорою твоею помощию и умоли Человеколюбца Бога, да не осудит нас, грешных, по беззакониям нашим, но да сотворит с нами по велицей Своей милости. Не презри моления нашего, но испроси нам у Христа и Бога нашего тихое и богоугодное житие, здравие же душевное и телесное, земли плодородие и во всем изобилие, и да не во зло обратим благая, даруемая нам тобою от Всещедраго Бога, но во славу святаго имене Его и в прославление крепкаго твоего заступления, да подаст Он стране нашей и всему боголюбивому воинству на сопостаты одоление и да укрепит непременяемым миром и благословением, изряднее же да оградит нас святых Ангел Своих ополчением, во еже избавитися нам, по исходе нашем из жития сего, от козней лукаваго и тяжких воздушных мытарств его и неосужденным предстати Престолу Господа славы. Услыши ны, страстотерпче Христов Георгие, и моли за ны непрестанно Триипостаснаго Владыку всех Бога, да благодатию Его и человеколюбием, твоею же помощию и заступлением обрящем милость со Ангелы и Архангелы и всеми святыми одесную правосуднаго Судии стати и Того выну славити со Отцем и Святым Духом, ныне и присно, и во веки веков. Аминь.


Возврат к списку

Вернуться на главную страницу


Расписание богослужений

7/20 апреля, суббота

Лазарева Суббота. Воскрешение праведного Лазаря.

6.30 Полунощница. Молебен у мощей прп. Евфросинии.

8.00 Часы. Божественная Литургия.

16.45 9-й ч. Праздничное всенощное бдение.

Смотреть все

Православный календарь

7/20 апреля, суббота

Лазарева суббота. Воскрешение прав. Лазаря. Прп. Георгия исп., митр. Митиленского (после 820).

Прп. Даниила Переяславского (1540). Мч. Каллиопия (304). Мчч. Руфина диакона, Акилины и с ними 200 воинов (ок. 310). Прп. Серапиона монаха.

Сщмч. Аркадия Добронравова пресвитера (1933); прмц. Евдокии Павловой (1939).

Литургия св. Иоанна Златоуста.

На трапезе разрешается вкушение рыбной икры.

Смотреть все

Каталог TUT.BY